Magtiwala sa Pag-iiingat ng Diyos

Tayo ay nakakaranas ng mga pagsubok sa buhay at ang mga pagsubok na ito ay hindi natin inaasahan. Dumarating din sa punto na tayo ay halos mawalan na ng pag-asa at hindi alam kung kanino aasa. Katulad ngayon uso ang social media gaya ng facebook, may mga tao na nagpapaskil sa kanilang status patungkol sa mga dinaranas na pagsubok sa buhay mailabas lang pati sama ng loob.

Subalit gaya ng Psalmista sa Awit na ating binasa ipinaparating sa atin na tayo ay magtiwala sa pag-iingat ng Panginoon.

Sa verses 1-2 nakasaad na Imbes na simulan sa pagcocomplain, minabuti ng Psalmista na magkaroon ng pagtitiwala sa pag-iingat ng Panginoon. Habang siya ay sinasalakay ng mga kaaway siya ay namahinga sa kanyang relasyon sa Panginoon. Alam niya na ang solusyon sa kanyang paghihirap ay nagmumula sa Panginoon na kanlungan at kaligtasan.

___ Sa oras ng kahirapan o pagsubok na ating nararanasan tayo ay may kasiguraduhan at tayo ay makakaasa sa Panginoon. Alam natin na ang solusyon ay sa Panginoon natin matatagpuan. Ang Pangonoon ang ating kanlungan at kaligtasan.

Sa verses 3-4 naman, ang Psalmista ay nagrereklamo  at natanong sa Panginoon- Hanggang kailan? Dito makikita natin napakatagal ang dinanas na sakit ng Psalmista, subalit naniniwala siya na ang Panginoon ay sapat na kanyang buhay. 

      

Sa mga pagsubok na napagdadaanan natin tayo nagrereklamo at nagtatanong sa Panginoon- Hanggang kailan? Hanggang kailan Panginoon ang paghihirap na ito? Tayo ay dumarating sa punto na halos mawalan na ng pag-asa at nanghihina sa pananampalataya.

Sa verses 5-8 naman ipinapakita rito na ang Panginoon ang kanlungan at kaligtasan. Sa kabila ng pagsalakay ng mga kaaway, iginiit sa sarili ng Psalmista na magkaroon ng kapahingahan sa Panginoon. Katulad ng nakasaad sa verse 1, tinanggap niya na sa Panginoon lamang siya makakaasa, kahit papaano masasabi niya na ang Panginoon ang  kanyang kanlungan at kaligtasan. Ilang beses niya itong inulit at iginiit sa unang talata. Tayo bilang kongregasyon, ipinaparating sa atin ng awit na to na sa lahat ng oras ituon natin ang pagtitiwala sa kakayahan ng Panginoon. Sabihin sa kanya ang lahat ng suliranin natin, dahil siya ang nag-iingat sa atin.

Sa verses 9-10 naman sinasabi rito na ang Panginoon ang ating tagapag-ingat hindi katulad ng mga  tao dakila man o mangmang ay hindi mapagkakatiwalaan. Ipinaparating sa atin na huwag tayong umasa sa kayamanan bagkus sa Panginooon tayo umasa. Gaya ng nakasaad sa Kawikaan 11:4 “Ang kayamanan ay hindi makatutulong sa araw ng paghahatol, ngunit ang katuwiran ay maglilgtas sa iyo sa kamatayan. At verse 18 “Kabutihang natatamo ng masamang tao’y hindi magtatagal, ngunit ang matuwid ay may gantimpalaan ng walang hanggan.”   Huwang tayong umasa sa anumang kayamanang meron tayo dito sa mundo dahil ang lahat ng ito ay pansamantala lamang,  ngunit ang kaloob ng Panginoon sa atin ay walang hanggan.

Sa verses 11-12 nangusap ang Panginoon sa Psalmista  patungkol sa katotohanan sa Panginoon. Una, ang Panginoon ay makapangyarihan at tapat ang kanyang pag-ibig. At hindi niya ipahihintulot na ang kanyang mga lingkod ay magdusa o maghirap sa kamay ng mga kaaway. Pangalawa, Tiyak na gagantimpalaan ng Panginoon ang mga tao ayon sa kanilang mga gawa kung kaya ang Psalmista ay ligtas at ang kanyang mga kaaway ay parurusahan.

 

Mga kapatid, purihin natin ang Panginoon at lagi nating sasambahin sapagkat siya ay makatuwiran sa paghatol. Naisin natin  na unahin at ipagpatuloy na lumapit sa Panginoon at laging alalahanin na tanging si Hesus lamang ang ating Panginoon at tagapagligtas. Kung kaya tayo ay magalak at makontento sa kaligtasang ipinagkaloob sa atin ng Panginoon ang buhay na walang hanggan at huwag umasa sa kayamanan dito sa lupa dahil pansamantala lamang ang lahat ng ito. Sa Panginoon lamang tayo makakapagtiwala at siya lamang an gang ating kanlungan at maasahan.

            Kung kaya, tayo po ay tumayo, magalak, magpuri, at umawit para sa Panginoon.